Saqqallarını qırxan müəllimlərə görə “Taliban” iki məktəbi bağlayıb
İki il öncə Əfqanıstanda hakimiyyəti yenidən ələ keçirmiş radikal “Taliban” hərəkatının tərəfdarları Qəzni əyalətində (ölkənin mərkəzi hissəsi) iki özəl məktəbi bağlayıb.
Musavat.com xarici mediaya istinadla xəbər verir ki, buna məktəbdə dərs deyən müəllimlərin saqqallarını qırxması səbəb olub.
“Hasht-e Subh” qəzeti yazır ki, təhsil müəssisələrinin işinin bağlanması qərarının digər səbəbi müəllimlərin hicab geyinmə normalarına əməl etməməsi ola bilər. Oktyabrın 2-də, bazar ertəsi günü, Əmr və Səhv Qadağalar Nazirliyinin yerli bölməsinin qərarı ilə məktəblər bağlanıb.
Bundan əlavə, “Taliban” tərəfdarları dərslərdə qızların iştirak etdiyinə görə Qəznidə daha iki uşaq təhsil mərkəzini bağlayıblar. Bu məktəblərdə hər iki cinsdən olan uşaqlar üçün təhsil “Taliban”ın tələblərinə uyğun (ayrı-ayrılıqda) həyata keçirilsə də, bu radikal dini təşkilat buna qane olmayıb ki, tədris davam etsə, din-iman əldən gedə bilər.
