İrəvanda yenidən Paşinyana qarşı mitinq keçirilir
Ermənistanın Baş naziri Nikol Paşinyanın istefasını tələb edən vətəndaşlar İrəvanın mərkəzindəki Respublika meydanına toplaşıblar.
Axar.az xəbər verir ki, bu barədə TASS məlumat yayıb.
Məlumata görə, hökumət binasının yerləşdiyi meydana mindən çox insan toplaşıb:
"Vətəndaşlar meydanı doldurmağa davam edir. Çıxış üçün avadanlıq ənənəvi olaraq meydanda yerləşən Erməni Tarixi Muzeyinin qarşısında quraşdırılır. Hökumət binasının girişi bir neçə cərgə polis tərəfindən qorunur, lakin etirazçılar onun qarşısına deyil, meydanın mərkəzi hissəsində, müvəqqəti səhnənin qarşısında toplaşırlar".
