Lukaşenko öz yerini kimə verəcək – oğullarından birinə, yoxsa Koçanovaya?
Minskdə Belarus parlamentinin respublika şurasının 11-ci sessiyası öz işinə başlayıb. Şuranın sədri Natalya Koçanova deputatları Aleksandr Lukaşenkonun uzaqgörən göstərişlərinə əməl etməyə çağırıb.
Musavat.com xarici mediaya istinadla xəbər verir ki, müxalif qüvvələrin liderlərindən biri olan Pavel Latuşko iddia edib ki, Vladimir Putinlə son danışıqlarda Belarus liderinin varisinin kimin olacağı müzakirə olunub.
Bildirilir ki, mütəxəssislər mümkün namizədlər arasında ilk növbədə Koçanovanın adını çəkirlər, lakin hakimiyyətin Belarus prezidentinin oğullarından birinə keçməsi istisna olunmur.
Bir çox ekspertlər hesab edirlər ki, yaxın gələcəkdə Aleksandr Lukaşenko prezident postunu məhz bu “üst struktur”un rəhbərinin kreslosuna dəyişə bilər.
Lukaşenkonun Ümum-Belarus Xalq Assambleyasının rəhbəri postuna keçməsi variantı getdikcə daha fəal müzakirə olunur. Mümkün varisləri müzakirə edən Latuşko deyib: “Bəlkə də namizədlərdən biri Lukaşenkonun oğlu olacaq, amma Nikolay yox, Viktor”.
Latuşko hesab edir ki, hakimiyyəti bioloji bağlılığı olmayan birinə verməyin fəsadlarını Lukaşenko Qazaxıstanda, Nazarbayev-Tokayev əvəzlənməsi zamanı görüb və bunun boş variant olduğunu anlayıb.
Eyni zamanda, Latuşko etiraf edir ki, bütün bu proqnozlar son nəticədə hakimiyyəti saxlamağa və vəziyyətə tam nəzarəti öz əlində saxlamağa çalışacaq Aleksandr Lukaşenkonun spesifik xarakterinə görə təkzib edilə bilər.
Natalya Koçanova
Buna baxmayaraq, mümkün varisin məsələsi ekspert icmasında fəal şəkildə müzakirə olunur. Politoloq Aleksandr Fridman bir neçə mümkün namizədi araşdırıb. Hakimiyyətin oğullarından birinə mümkün keçməsinə gəlincə, o xatırladır ki, Lukaşenko belə variantın mümkünsüzlüyünü dəfələrlə bəyan edib.
Lukaşenkonun idman klubunu idarə edən ortancıl oğlu Dmitrinin heç bir siyasi ambisiyası olmadığı aydındır. Lakin uzun müddət atasının milli təhlükəsizlik üzrə köməkçisi olmuş və hazırda Milli Olimpiya Komitəsinə rəhbərlik edən böyük oğul Viktor bu yaxınlarda Minsk şəhəri günü ilə bağlı təntənəli tədbirlərdə fəal iştirak edib. Aleksandr Lukaşenko isə kiçik oğlu Nikolayı daha çox istəyir. Nikolay 2022-ci ildə BDU-nun biologiya fakültəsinin tələbəsi olub, daha sonra Pekində təhsilini davam etdirib. İnun ixtisası siyasətdən çox uzaq olsa da, əvvəlcə oftalmoloq təhsili alan, sonra atasının yerinə Suriyada prezident postuna əyləşən Bəşər Əsəd presedenti var. Ancaq Nikolay Lukaşenkonun minusu odur ki, hələ çox gəncdir. Hamı anlayır ki, tələbədən Belarus kimi ölkəyə prezident olmaz.
