Bia.Az

Zaxarovanın zəhər kimi mövqeyi: “Kremlin Qarabağ planı fərqlidir”

Dünya
 26-05-2023, 02:11     326

“Kremlin Qarabağla bağlı “fərqli” mövqeyi var. Demək, Kreml separatçılarla bağlı “planlarından” əl çəkməyib”.

Globalinfo.az xəbər verir ki, bunu politoloq Elxan Şahinoğlu Rusiya Xarici İşlər Nazirliyinin sözçüsü Mariya Zaxarovanın Ermənistanın Baş naziri Nikol Paşinyanın Qarabağ haqqındakı son açıqlamalarına münasibətini dəyərləndiərərkən deyib.

Politoloq bildirib ki, Nikol Paşinyanın açıqlamalarına Vaşinqton və Moskvanın mövqeyi tam fərqlidir:

“Rusiya XİN sözçüsü Mariya Zaxarova Ermənistanın Baş naziri Nikol Paşinyanın “Qarabağ daxil olmaqla Azərbaycanın ərazi bütövlüyünü tanıyırıq” açıqlamasına özünəməxsus reaksiya verib. Zaxarova bildirib ki, Nikol Paşinyanın son bəyanatları Ermənistanda və Qarabağda birmənalı olmayan reaksiyaya səbəb olub. O əlavə edib ki, Rusiya nizamlama üzrə vasitəçidir və bu baxımdan Ermənistanın Qarabağla bağlı dəqiq mövqeyinin olması vacibdir.

Elxan Şahinoğlu
Bundan da dəqiq mövqe olarmı? Paşinyan açıq deyib ki, Qarabağı Azərbaycan ərazisi kimi tanıyır, daha nə istəyirsiniz? Mariya Zaxarovanın “Paşinyanın açıqlaması Ermənistanda və Qarabağda birmənalı olmayan reaksiyaya səbəb olub” cümləsi isə ona dəlalət edir ki, Kreml Paşinyana müxalif olan qüvvələrin Azərbaycanın ərazi bütövlüyünün əleyhinə olmalarını “diqqətə” alır. Yəni bu o deməkdir ki, Kremlin Qarabağla bağlı “fərqli” mövqeyi var. Vaşinqton Nikol Paşinyanın Azərbaycanın ərazi bütövlüyünü tanıması fikrinə müsbət yanaşarkən, Moskva Paşinyanı tənqid etməyə üstünlük verir. Demək, Kreml separatçılarla bağlı “planlarından” əl çəkməyib”.скачать dle 12.1