Rusiya Belarusa taktiki nüvə silahları yerləşdirməyə başlayıb
Rusiyanın Belarusa taktiki nüvə silahları yerləşdirməsinə başlanılıb.
APA CNN-ə istinadən xəbər verir ki, bunu Belarus Prezidenti Aleksander Lukaşenko BelTA xəbər agentliyinə deyib:
“Saxlama məkanlarının hazırlanması zəruri idi. Biz bunların hamısını etdik. Ona görə də nüvə silahlarının hərəkətinə başlanılıb”.
Lukaşenko nüvə silahlarının Belarusda təhlükəsizliyinə söz verib:
“Nüvə silahları ilə bağlı narahat olmayın. Buna görə biz məsuliyyət daşıyırıq. Bunlar ciddi məsələlərdir. Burada hər şey qaydasında olacaq”, - Lukaşenko deyib.
