Hərbçilərimizin Şuşada infarkt etdiyi Sumqayıt ermənisi ölkədən qaçdı
Xankəndidəki separatçı-saxta rejimin keçmiş “arxiyepiskopu” Parqev ABŞ-dan qayıtmayıb.
Globalinfo.az xəbər verir ki, bu məlumatı “Hraparak” qəzeti yayıb.
Bildirilir ki, Parqev son 3 ildə Erməni Apostol Kilsəsinin xüsusi nümayəndəsi olaraq ABŞ-da yaşayır. Onun burada müxtəlif diaspor nümayəndələri ilə görüşlər keçirdiyi deyilir.
Parqevin ABŞ-da qrinkart gözlədiyi vurğulanıb. Qəzet onun Ermənistana qayıtmaq fikrində olmadığını, bununla da ölkədən qaçmasının təsdiqləndiyini yazıb.
Qeyd edək ki, Parqev əslən Sumqayıt ermənisidir. O, 80-ci illərin sonunda Xankəndiyə gələrək separatçı birliklərə qoşulub. İkinci Qarabağ müharibəsi dövründə Parqev Ordumuz haqqında sərt bəyanatlarla çıxış edib. Noyabrın 8-də Şuşanın Azərbaycan Ordusu tərəfindən azad olunmasından sonra infarkt keçirib. Xankəndidən İrəvana, bir müddət sonra isə ABŞ-a aparılıb.
