Ukrayna yeni təhlükə ilə üz-üzədir - Arestoviç
Ukrayna vaxt itirmək və yanlış inkişaf yoluna getmək kimi yeni təhlükələrlə üz-üzədir.
Axar.az xəbər verir ki, bunu Ukraynanın Prezident Ofisi rəhbərinin keçmiş müşaviri Aleksey Arestoviç deyib.
“İndi bizim tarixi yolda ideoloji qarşıdurma güclənir. Əgər ukraynalılar qapalı və monoetnik ölkə olmaq yolunu seçsələr, problemlər onda başlayacaq. Belə ölkə isə uzun müddət çiçəklənə və mövcud ola bilməyəcək. Buna artıq yüz il əvvəl də cəhdlər olub. Ancaq nəticə məlumdur - dövlətçiliyin itirilməsi, Qolodomor faciəsi və repressiyalar. Yeni cəhdlər də oxşar nəticələr verəcək”, - keçmiş müşavir bildirib.
