Gerasimovun böyük hücum üçün az vaxtı var
Ruslar Qərbin ağır texnikası Ukraynaya gələnə qədər genişmiqyaslı hücuma keçməyə tələsirlər.
Axar.az xəbər verir ki, bu barədə ABŞ-ın Müharibənin Öyrənilməsi İnstitutunun hesabatında bildirilib.
“Bəzi rus millətçiləri Rusiyanın fevralın sonunda uğurlu hücuma başlaya biləcəyinə şübhə ilə yanaşırlar. “Vaqner”lə əlaqəli olan hərbi jurnalistlərdən biri bildirib ki, Rusiya Baş Qərargah rəisi Valeri Gerasimovun Ukraynaya genişmiqyaslı hücumu həyata keçirmək üçün məhdud zamanı var.
Terrorçu İqor Qirkin də hesab edir ki, Rusiya sənaye və iqtisadiyyat üçün daha çox işçi qüvvəsini səfərbər etməyincə, hücum uğurlu olmayacaq.
Hər iki müşahidə göstərir ki, Rusiya hərbi rəhbərliyi həlledici hücuma başlamağa tələsir”, - hesabatda qeyd olunub.
