Amerikalı həkim Saakaşvilinin təhlükəli xəstəliyindən danışdı
Yanlış diaqnoz və müalicə eks-prezident Mixail Saakaşvilinin səhhətinin kəskinləşməsinə gətirib çıxarıb.
Axar.az xəbər verir ki, bu barədə amerikalı həkim Stüart Finkel məhkəmədə çıxışında deyib.
O, Saakaşvilidə mədə xərçənginin yaranması təhlükəsi olduğunu bildirib.
Qeyd edək ki, Saakaşvilinin səhhətindən dolayı azadlığa buraxılması, yaxud cəzasının təxirə salınması məsələsinə Tiflis şəhər məhkəməsində növbəti dəfə baxılıb. Saakaşvili hətta onlayn şəkildə də məhkəmədə iştirak etməyib.
Məhkəmə binası qarşısına Saakaşvilinin yüzlərlə tərəfdaşı toplaşıb.
