Saakaşvilinin məhkəməsi oldu, Smit danışdı
Bu gün Gürcüstanın eks-prezidenti Mixail Saakaşvilinin növbəti məhkəmə iclası keçirilib.
Axar.az xəbər verir ki, hakim Georqi Arevadze növbəti məhkəmə iclasının sabah, 30 dekabr, saat 15:00-da keçirilməsi barədə qərar verib.
Mixail Saakaşvilinin vəkili Şalva Xaçapuridze prosesin gündəlik rejimdə aparılması ilə bağlı məhkəməyə vəsatət təqdim edib.
Qeyd edək ki, bu gün məhkəmə iclasında iştirak edən amerikalı ekspert-toksikoloq Devid Smit Saakaşvilinin ABŞ-a, ağır metallar və dərmanlarla bağlı detoksifikasiyanın mümkün olacağı tibb müəssisəsinə köçürülməli olduğunu bildirib.
Xatırladaq ki, Saakaşvilinin vəkilləri 1 dekabr tarixində eks-prezidentin səhhəti ilə bağlı cəzasının təxirə salınması və ya cəzadan azad edilməsi üçün məhkəməyə müraciət ediblər.
