“Ölülər kitabı” haqqında qəribə faktlar: Ölümdən sonra həyatın mənbəyi...
“Ölülər kitabı”, misirlilərin fikrincə, ölülərin yeraltı dünyasında yaşamağa davam etmələrini təmin edir. Misirlilər bu kitabı təşkil edən bir neçə mətni ölülərlə birlikdə basdırırdılar.
Bizimyol.info xəbər verir ki, bu kitab Misirdə Yeni Padşahlıq dövründə məşhurlaşır. Kitabdakı fəsillərdə insanlar və müxtəlif sehrlər haqqında məlumatlar var. Kitabdakı hər bir sehrin Misir danışıq dilindən sözlərdən istifadə edilərək yazılması tədqiqatçıların diqqətini çəkir. Maraqlısı budur ki, hər qəbirdəki kitab digərindən fərqlidir. Yəni bu kitabı təşkil edən bütün nüsxələrdə fərqli və sirli sehrlər var.- Bəs bu sehrlər tam olaraq nə deməkdir?
Misirologiya professoru Barri Kempin sözlərinə görə, Ölülər kitabındakı bu mətnlər misirlilərə ölümdən sonra həyata hazırlaşmağa kömək edir. Bu kitabdakı sehrlər kimə yazılıbsa, inanca görə, o insan yeraltı dünyasında uğurla yaşaya bilir. Əslində, bu kitabdakı əsas sehrlərdən biri, Misirin ən tanınmış tanrılarından biri olan günəş tanrısı Ra-nın əhəmiyyətini təsvir edən Spell 17-dir.
Kitabın bəzi fəsilləri də insanın o biri dünyada nələrlə qarşılaşa biləcəyini təsvir edir. Məsələn, kitaba görə insan o biri aləmə getməzdən əvvəl ədalət ilahəsi Maata yer üzündəki əməllərinin nəticəsinin hesabını verəcəyini bilməli və buna görə hazırlaşmalıdır. Bu mətnlərdə diqqət çəkən başqa bir məqam isə sehrlərin cinsiyyətə xas olmamasıdır. Deyə bilərik ki, sehrlər həm kişilər, həm də qadınlar üçün eyni mesajları verir.
Ölülər kitabı dirilərin ölümü dərk etmələri üçün bələdçidir. Yəni bu kitab ölüm qorxusuna qarşı sakitləşdirici funksiyaya malikdir.
“Əlavə olaraq deyə bilərəm ki, kitab insanlara yaşadıqları müddətdə ölümün necə olduğu haqda uzaqgörənlik göstərməyə və buna uyğun tədbir görməyə imkan verir. Əslində Misirdə cəsədlərin mumiyalaşdırılması anlayışı bu sehrlərin yazılması ilə eyni məqsəd daşıyır. Bütün bunlar insanların ölümdən sonra həyatlarını idarə etmək istəmələri ilə bağlıdır”,- deyə misiroloq bildirib.
Tədqiqatçılar bildirirlər ki, bu tilsimlər təkcə ölümdən sonra deyil, həm də yaşayarkən istifadə olunur. Misirşünaslar qeyd edir ki, sehrlərin məzmununda gündəlik həyatdan kənar transsendental qədim təcrübələrə sahib olmaq üçün sehrlər və ayinlər var. Əksər sehrlərdə hətta dünyada onlardan necə istifadə olunacağına dair təlimatlar var. Bu o deməkdir ki, insanlar bu mətnlərdə yazılan rituallardan gündəlik işlərində istifadə edirlər və ölüm artıq bu insanlar üçün narahatedici bir vəziyyət deyil və gündəlik həyatın adi bir hissəsinə çevrilir. Tədqiqatçılar da bu tilsimlərin ilahi bir gücə çatmaq istəyindən qaynaqlandığını düşünürlər.
