SÜKAN ARXASINDA “GENERAL-POLKOVNİK MEHDİYEV”DİR!... – “Ə sən nə həyasız adamsan əə” (VİDEO)

Dövlət Gömrük Komitəsinin (DGK) keçmiş sədri Səfər Mehdiyevin yol polisi ilə kobud davranıçının əks olunduğu video yayılıb. Videonu “unikal.org” saytı əldə edib.

Görüntülərdə Yol Patrul Xidmətinin (YPX) 90-AA-978 dövlət qeydiyyat nişanlı "Galanvagen" markalı avtomobili saxladığı görünür. Avtomobildən düşən sürücü YPX əməkdaşını təhqir edərək "sən nə həyasız adamsan, əə...” deyə, ədalı halda özünü təqdim edir: “General-polkovnik Mehdiyev!”

Polis əməkdaşı isə ona "cənab general, nömrədə yazılmır axı, kimdi sürən, bizə deyiblər siqnal olmaz" cavabını qaytarır. İdman geyimində olan həmin şəxs (üzü görünmür - red.) ondan YPX avtomobilinin nömrəsini soruşur və "993" cavabını alır.
Sosial şəbəklərdə yayılan informasiyalara görə, 90-AA-978 dövlət qeydiyyat nişanlı "Galanvagen" markalı avtomobil "Vadi-4" MMC adlı şirkətin üzərinə qeydiyyatdadır. MMC-nin qanuni təmsilçisi Nəsir Məhərrəm oğlu Cəfərovdur. Bu şəxsin Səfər Mehdiyevin həmkəndlisi, Naxçıvanın Babək rayonu Nehrəm kəndindən olan qohumu olduğu bildirilir.
"AzPolitika.info"