Zəngəzur dəhlizi açılır, İrəvan mane ola bilmədi – Surenyants
“Amerikanın “Fitch Solutions” analitik mərkəzinin ekspertləri bu ilin birinci yarısında Azərbaycan və Ermənistanın sülh müqaviləsi imzalayacağı barədə fikir bildiriblər”.
Globalinfo.az xəbər verir ki, bunu erməni politoloq Suren Surenyants yazıb.
O bildirib ki, hesabatda Zəngəzur dəhlizi ilə bağlı detalların olması Qərbin də bu məsələyə müsbət yanaşdığını göstərir:
“Ermənistan “dəhliz” mövzusunu gündəmdən çıxara bilmədi. Təəssüf ki, bu məsələnin həlli Ermənistan üçün üçtərəfli sənəddə göstəriləndən daha mürəkkəb olacaq. Sülh müqaviləsinin imzalanıb-imzalanmayacağının və ya həmin müqavilənin kimin vasitəçiliyi ilə imzalanmasının heç bir əhəmiyyəti yoxdur. Yenə deyirəm, bizim üçün 10 Noyabr bəyanatından daha yaxşı razılaşma olmayacaq”.
