Övladına “Hz.Əbülfəs Abbas” adı verə bilməyən ana Azərbaycanı Avropa Məhkəməsinə verib - Avropadakılar da deyəsən, bekar qalıblar...
Övladına “Hz.Əbülfəs- Abbas” adı verə bilməyən ana Azərbaycanı Avropa Məhkəməsinə verib.
Gununsesi.info-nun xəbərinə görə, Bakı şəhər sakini Leyla İsmayılzadənin bu barədə şikayəti Avropa İnsan Hüquqları Məhkəməsində araşdırılıb və yanvarın 18-də məhkəmə son qərarını elan edəcək.
Məlumatda bildirilir ki, ərizəçi Leyla Miryaqub qızı İsmayılzadə 1990-cı il təvəllüdlü Azərbaycan vətəndaşıdır. Bakıda yaşayır.
İş, ərizəçinin seçdiyi adın qeydiyyata alınmasından səlahiyyətlilərin imtina etməsinə aiddir.
Belə ki, yeni doğulmuş uşağına “H.z Əbülfəs Abbas” adını verən Leyla İsmayılzadə müvafiq qurumdan rədd cavabı alıb.
Azərbaycan Milli Elmlər Akademiyası ilə birlikdə milli məhkəmələr də onun müraciətlərinə “yox” deyib.
Avropa Məhkəməsinə şikayətində isə ərizəçi bunun Konvensiyanın 8-ci maddəsinə (şəxsi və ailə həyatına hörmət hüququ) zidd olduğunu iddia edib.
