Bia.Az

Brilliant Dadaşova: “Ürək sözlərimi deyəcəyəm, bəyənmirlərsə, öz problemləridir”

Cəmiyyət
 15-11-2023, 02:20     370

“Gənclərimiz maariflənməlidirlər. Çox təəssüf ki, bizdə bir az savadsızlaşma inkişaf etməyə başlayır. Biz elə azad ölkədə yaşayırıq ki, qızlarımız, oğlanlarımız savadlanmalı, kitablar oxumalıdırlar”.

Bu sözləri “Sözbaz”a açıqlamasında Xalq artisti Brilliant Dadaşova deyib.

Sənətçi sosial şəbəkələrdə yazdığı rəylərdən söz açıb:

“Hər sahədə dünya standartlarına uyğunlaşırıq. İstəyirəm ki, savadlanmada da belə olaq. Ona görə də şərhlər yazıram. Bəzən yaxşı qarşılanır, bəzən yox. Amma mənim üçün fərqi yoxdur, necə qarşılanır. Ürək sözlərimi deyəcəyəm. İstəyən bəyənər, istəyən yox. Özlərinin problemidir. Gənclərin anası, yaşlıların bacısı kimi çalışıram ki, yanlarında olum. Mən öz millətimi çox sevirəm. Bu məsəl də ancaq bizdədir ki, ətimizi yesək də, sümüyümüzü atmarıq. Doğrudan da belədir. Kaş ətimizi yeməsək. Yaxşı olardı. Yeniliklər olsa, eşidəcəksiniz. Allah qoysa konsert də edərik”.скачать dle 12.1