Bia.Az

İsa Qəmbərin şikayətinə baxılacaq

Cəmiyyət
 11-02-2023, 14:42     146

Bakı Apellyasiya Məhkəməsi Dövlət Sosial Müdafiə Fondu ilə çəkişən siyasətçi İsa Qəmbərin şikayətinə fevralın 15-də baxacaq. Vəkil Nemət Kərimli Novator.az-a deyib ki, şikayətdə Bakı İnzibati Məhkəməsinin 12 sentyabr 2022-ci il qərarının ləğvi istənir.

1957-ci il təvəllüdlü İsa Qəmbər milli azadlıq hərəkatının liderlərindən biridir. 1992-1993-cü illərdə parlamentin sədri olub, 1992-ci il mayın 18-dən iyunun 17-dək prezident səlahiyyətlərini icra edib.

1992-2014-cü illərdə Müsavatın başqanı postunu tutan İsa Qəmbər hazırda partiya Məclisinin üzvü, Milli Strateji Düşüncə Mərkəzinin sədridir.
2022-ci il fevralın 24-də pensiya yaşına – 65 yaşa çatan İsa Qəmbərə mayın 11-də yaşa görə 180 manat müavinət kəsilib (hazırda müavinətin məbləği 220 manatdır). Dövlət Sosial Müdafiə Fondu bəyan edib ki, qanun pensiya hüququ üçün ya 25 il sığorta stajı, ya da minimum pensiya kapitalı (2022-ci ildə 34560 manat idi, hazırda 40320 manatdır) şərti qoyur, İsa Qəmbərin sənədləri bu şərtlərə uyğun gəlməyib.

Bakı İnzibati Məhkəməsinə şikayət ərizəsində İsa Qəmbərin əmək pensiyası hüququnun pozulduğu qeyd edilib, bildirilib ki, ona xüsusi şərtlərlə əmək pensiyası düşür. Məhkəmədən Dövlət Sosial Müdafiə Fondunun boynuna “Əmək pensiyaları haqqında” qanuna riayət etmək, Milli Məclisin sədri olmuş İsa Qəmbərə sədrin əməkhaqqının 80 faizi qədər əmək pensiyası kəsmək öhdəliyi qoyulması istənib. Ancaq 2022-ci il sentyabrın 12-də Bakı İnzibati Məhkəməsi Dövlət Sosial Müdafiə Fondunun İsa Qəmbərə yaşa görə müavinət kəsmək qərarını haqlı sayıb.скачать dle 12.1