Qusarda dirəyə çırpılan avtomobilin sərnişini öldü
Qusar rayonunda ölümlə nəticələnən yol-nəqliyyat hadisəsi baş verib.
“bia.az” xəbər verir ki, hadisə aprelin 19-da saat 23 radələrində Həsənqala kəndi ərazisində baş verib.
Kənd sakini B.Mustafayev idarə etdiyi “NAZLifan” markalı avtomobili yolun kənarındakı elektrik dirəyinə vurub.
Nəticədə avtomobildəki sərnişin - Balaqusar kənd sakini Taləddin Musayev hadisə yerində ölüb.
Hadisə ilə bağlı Qusar Rayon Polis Şöbəsi tərəfindən araşdırma aparılır.
