Bia.Az

7 oktyabr aksiyası

Siyasət
 7-10-2022, 21:35     129

Azərbaycan Demokratiya və Rifah (ADR) Partiyasının bir qrup üzvü oktyabrın 7-si Bakıda, Rusiyanın Azərbaycandakı səfirliyi qarşısında piket keçirməyə cəhd göstərib. Bakı Şəhər İcra Hakimiyyətinin razılıq vermədiyi aksiyaya toplaşan partiya funksionerləri və fəallar Rusiya hərbi kontingentinin Qarabağ bölgəsindən çıxarılması tələbi qoyublar. “Turan”ın məlumatına görə, polis aksiyaçılara səfirliyin binası qarşısına yaxınlaşmaq imkanı verməyib, qətnamə yaxınlıqdakı parkda oxunub.



ADR Partiyası 2021-ci ildə Azərbaycan Demokratiya və Rifah Hərəkatının bazasında yaradılıb. Quruma iqtisadçı alim Qubad İbadoğlu sədrlik edir.
Ermənistan 1988-1994-cü illərin təcavüzündə Azərbaycanın altıda birini işğal edərək Yuxarı Qarabağ bölgəsində separatçı rejim qurub.
2020-ci il sentyabrın 27-dən noyabrın 10-dək Azərbaycanın apardığı hərbi əməliyyatlarda və savaşdan sonrakı danışıqlar nəticəsində ərazilərin böyük hissəsi azad olunub.
Yuxarı Qarabağ bölgəsindəki Xankəndi, Xocalı, Ağdərə, Xocavənd şəhərləri, Şuşa, Xocalı, Xocavənd rayonlarının və keçmiş Ağdərə rayonunun bir hissəsi separatçı rejimin, Ermənistana gedən Laçın yolu Rusiya hərbi kontingentinin nəzarətindədir.
Sədərək rayonunun 1, Qazax rayonunun 7 kəndi də işğalda qalır.скачать dle 12.1