Bia.Az

Təcili yardım evdə meymunçiçəyi testi götürürmü? - Nazirlikdən AÇIQLAMA

Sosial
 3-08-2022, 01:06     248

Meymunçiçəyi epidemiya vəziyyətini alıb. Avropada minlərlə insanda yoluxma var.

Azərbaycanda hələ ki, rəsmi olaraq meymunçiçəyinə yoluxma aşkarlanmayıb.

Amma bir çox həkimlərin dediyinə görə, poliklinikalara suçiçəyi əlamətləri ilə xəstələr gəlir, onlara isə adi suçiçəyi diaqnozu qoyulur.


Bəs insan özündə meymunçiçəyi əlamətləri hiss edərsə, dövlət hesabına harada, necə test verməlidir? Koronavirusda olduğu kimi bu dəfə də təcili yardım xidməti xəstə evdən çıxmadan ünvanda bu testi götürəcəkmi?

Məsələ ilə bağlı Səhiyyə nazirliyinə sorğu ünvanladıq.

Nazirlikdən Bakupost.az -a bildirildi ki, meymunçiçəyinin diaqnostikası yalnız Səhiyyə nazirliyinin tabeliyində olan Xüsusi Təhlükəli İnfeksiyalara Nəzarət Mərkəzində aparılır.

"Meymuçiçəyi xəstəliyinin diaqnostik testlərinin alınıb ölkəyə gətirilməsi üçün Ümumdünya Səhiyyə Təşkilatına (ÜST) müraciət olunub. ÜST tərəfindən ölkəmizə gətirilən 3 min diaqnostik test Səhiyyə Nazirliyinin Xüsusi Təhlükəli İnfeksiyalara Nəzarət Mərkəzinə təhvil verilib və ordadır. Hələ ki, Təcili Yardım meymunçiçəyi ilə bağlı test götürə bilməz. Buna görə təcili yardıma çağırış qəbul olunmur. Əgər vətəndaş özündə meymunçiçəyinin əlamətlərini hiss edərsə, o zaman yaşayış yeri üzrə tibb müəssisəsinə, polilinikaya, ailə həkiminə müraciət etməlidir.

Şübhəli hal olarsa, həmin şəxsdən nümunələr götürülüb, Xüsusi Təhlükəli İnfeksiyalara Nəzarət Mərkəzinə göndərilir. Cavablar çıxana kimi şübhəli şəxs evdə təcrid olmalıdır".
скачать dle 12.1