Arxiv

Oxunub:197 / 02 dek 20:53gundem, hadise

Azərbaycan prezidenti “BakuTel-2015” sərgisi ilə tanış olub



Azərbaycan prezidenti “BakuTel-2015” sərgisi ilə tanış olub

Azərbaycan prezidenti İlham Əliyev Baku Expo Mərkəzində “BakuTel-2015” XXI Azərbaycan Beynəlxalq telekommunikasiya və informasiya texnologiyaları sərgisi ilə tanış olub.
APA-nın məlumatına görə, dövlət başçısına məlumat verilib ki, dekabrın 5-dək davam edəcək “BakuTel-2015” beynəlxalq sərgisində 200-dən artıq şirkət iştirak edir.

Yeni şirkətlərin diqqətini cəlb edən sərgidə bu il debütantların sayı iştirakçıların ümumi sayının 15 faizini təşkil edir.

Sonra prezident İlham Əliyev sərginin pavilyonları ilə tanış olub.

“BakuTel-2015” sərgisi çərçivəsində “Azerspace-2” peykinin orbitə çıxarılması barədə Azərbaycan prezidentinin iştirakı ilə “Azərkosmos” ASC ilə Fransanın “Arianespace” şirkəti arasında müqavilə imzalanıb.