Bia.Az

Xankəndi sakinləri: Bəlkə də Azərbaycan hakimiyyətinin nəzarəti altına geri dönməliyik?

Cəmiyyət
 6-09-2021, 12:41     225

Xankəndi sakinləri hələ də içməli su qıtlığından əziyyət çəkirlər. Rus qoşunlarının komandanlığı şəhərdəki su təchizatı problemini həll etməkdə hələ də acizdir.

Bunu "Vodokanal" şirkətinin direktoru Qagik Poqosyan "Sputnik Ermənistan"a açıqlamasında deyib.

Susuz qalan Xankəndi sakinlərinə rus sülhməramlılarının köməyi ilə su avtomobillərlə çatdırılır.

Poqosyanın sözlərinə görə, Xankəndini qidalandıran çaylardan biri tamamilə quruyub, digər ikisi indi saniyədə 10 litr su verir. Əvvəllər 95-100 litr verən digər çaydan indi 30 litr su götürmək olur.

"Su olmayan yerlərdə, çoxmənzilli binaların və fərdi evlərin yaxınlığında 26 polietilen çən yerləşdirdik. Bu çənləri 24 saat doldururuq ki, əhali oradan su götürə bilsin", - Poqosyan qeyd edib.

Onun sözlərinə görə, su təchizatı yalnız yağışlar başlayanda bərpa olunacaq. Poghosyanın fikrincə, son 30 il ərzində bu qədər uzun, 53 gün davam edən yağış yağmayan bir dövr olmayıb.

Bu arada erməni mətbuatı Şuşada aparılan aktiv bərpa işləri, yeni elektrik stansiyasının tikintisi və azad edilmiş Azərbaycan şəhərinin fasiləsiz su təchizatı haqqında yazır. Xankəndinin bəzi erməni sakinləri sosial şəbəkələrdə özlərinə sual verir: bəlkə də Azərbaycan hakimiyyətinin nəzarəti altında geri dönməliyik? Qarabağın görünməmiş dirçəlişi fonunda bütün Xankəndinin erməni əhalisi gec -tez başa düşəcək ki, Azərbaycan cəmiyyətinə erkən reinteqrasiyanın alternativi yoxdur.(modern.az)скачать dle 12.1