“S-400”-ləri “F-35”-ə dəyişmirik! – “ABŞ Türkiyəyə qarşı ədalətsiz mövqedədir”
Vaşinqton Ankaranı beşinci nəsil F-35 qırıcılarının istehsalı üzrə çoxtərəfli proqramdan tam kənarlaşdırdıqdan sonra, Rusiyadan “S-400” zenit-raket sistemlərinin alınması ilə bağlı Türkiyə Birləşmiş Ştatlarla arada yaranmış problemləri həll etməyə hazırdır.
Bu barədə iyulun 28-də Türkiyənin müdafiə naziri Hülusi Akar bəyan edib.
““F-35” proqramına gəlincə, ABŞ hökumətinin bütün hesabatları göstərdi ki, Türkiyənin bu proqramdan kənarlaşdırılması təyyarələrin kritik komponentlərinin istehsalında risklər yaradıb və xərcləri artırıb. Onlar (amerikalılar - red.) öz qərarlarına yenidən baxmalıdırlar» - Akar qeyd edib.
Bu barədə çərşənbə günü Türkiyənin TRT dövlət telekanalı xəbər verib.
Nazir onu da bildirib ki, Ankaranının “F-35” proqramında iştirakının dayandırılması “ədalətli” deyildi və COVID-19 pandemiyasına baxmayaraq, Türkiyənin müdafiə sənayesi qırıcıların açar hissələrinin tədarükünü davam etdirirdi.
“Tükiyə “F-35” qırıcılarına sadəcə müştəri deyil, həm də onun istehsalında həmkardır. “F-35” texnologiyalarının müdafiəsinin təmin olunması həm Türkiyə üçün, həm də ABŞ üçün həyati əhəmiyyətli məsələdir. “S-400” sistemləri ilə bağlı biz, ABŞ-ı narahat edən isənilən məsələyə və “F-35”-lərlə uyğunluğu məsələsinə baxmağa hazırıq! - nazir bildirib.
O, həm də xatırladıb ki, Türkiyə və ABŞ arasında tarixi «enmələr və qalxmalar» olub, amma onlar ümumi maraqlara söykənən hərtərəfli və strateji alyans sayəsində fikir ayrılıqlarını aradan qaldırırlar.