Ərdoğan Qətərə gedir: Qəzza müzakirə olunacaq
Türkiyə Prezidenti Rəcəb Tayyib Ərdoğan dekabrın 4-də Qətərə iki günlük səfər edəcək.
Axar.az xəbər verir ki, səfər çərçivəsində Türkiyə Prezident Dohada Qətər Dövlətinin Əmiri Şeyx Təmim bin Həməd əs-Sani ilə görüşəcək. Həm iki ölkə arasındakı əlaqələr, həm də regional hadisələr müzakirə olunacaq.
Səfəri zamanı hər iki ölkə arasında ticarət dövriyyəsinin artırılması üçün bəzi əməkdaşlıq müqavilələri imzalanacaq.
Rəcəb Tayyib Ərdoğan Qəzzada humanitar sülhün bərpası və döyüşlərin dayandırılmasında vasitəçilik rolunu oynamış Qətər əmiri ilə daimi atəşkəsin əldə olunmasını da müzakirə edəcək.
