Münaqişə ərazimizə gəlir, ağır nəticələri olacaq - Rüstəmyan
Avropa Birliyinin müşahidəçiləri indiyə kimi sərhəddə yaşanan hadisələrin qarşısını ala bilməyib.
Axar.az Globalinfo.az-a istinadən xəbər verir ki, bunu Ermənistan parlamentinin “Hayastan” fraksiyasının deputatı Armen Rüstəmyan deyib.
A.Rüstəmyan Ermənistan hakimiyyətinin qərarlarının ağır nəticələr verə biləcəyini qeyd edib:
“Bizə daha effektiv addımlar lazımdır. Ordunun müdafiə qabiliyyətini gücləndirməli, özümüzə müttəfiqlər tapmalıyıq. Müşahidə missiyasının ərazidə mövcud olması problemin həlli üçün kifayət deyil. Əksinə, bu, İran və Rusiya ilə münasibətlərdə problem yaradır. Artıq üçüncü dəfədir ki, KTMT iclasına qatılmırıq. Bunun çox ciddi nəticələri ola bilər. Biz isə Rusiya və Qərb arasındakı münaqişəni öz ərazimizə gətiririk. Bunun Ermənistan üçün nəticəsi dağıdıcı olacaq: münaqişənin qurbanına çevrilə bilərik. Azərbaycan bu vəziyyətdən öz xeyri üçün istifadə edir, biz isə əleyhimizə çeviririk. Düşmənlərimizdən öyrənməli olduğumuz şeylər var”.
