85 illik sonsuz həsrət! Türkiyə bu gün ONU YAD EDİR
Türkiyə bu gün Atatürkü anır.
BİA.az xəbər verir ki, Mustafa Kamal Atatürkün vəfatından 85 il ötür .
Atatürk 1881-ci ildə Salonikidə anadan olub. İbtidai təhsilinə anası Zübeydə Xanımın istəyi ilə Hafiz Mehmet Əfəndinin məhəllə məktəbində başlayan Atatürk, daha sonra atası Əli Rıza Əfəndinin istəyi ilə köçdüyü Şəmsi Əfəndi məktəbində ibtidai təhsilini bitirib.
Orta məktəbdə oxuduğu Saloniki Mülki Orta Məktəbindən könüllü ayrılan Atatürk təhsilini Saloniki Hərbi Orta Məktəbində davam etdirib. Bu məktəbdə riyaziyyatdan dərs deyən kapitan Mustafa Əfəndi Atatürkü sinifdəki digər “Mustafa”lardan fərqləndirmək üçün istedadlı şagirdinə “Kemal” orta adını vermişdi.
Qurtuluş savaşından sonra 29 oktyabr 1923-cü ildə Türkiyə Böyük Millət Məclisi tərəfindən Cümhuriyyət elan edildi və Mustafa Kamal Atatürk prezident seçildi. 1938-ci ildə ölümünə qədər dalbadal dörd dəfə prezident seçilən Atatürk bu vəzifəni ən uzun müddət icra edən prezident oldu.
