Arxiv

Oxunub:8 / 12 sen 05:43dunya, idman

UEFA Millətlər Liqası: İspaniya DÇ-2018-in finalçısı Xorvatiyanı 6:0 məğlb edib- NƏTİCƏLƏR



UEFA Millətlər Liqası: İspaniya DÇ-2018-in finalçısı Xorvatiyanı 6:0 məğlb edib- NƏTİCƏLƏR














UEFA Millətlər Liqasında II tura üçüncü oyun günündə 4 liqada 7 görüşlə yekun vurulub.

Oyunlardan 3-ü böyük hesabla başa çatıb.

A Liqasında 2-ci qrupun görüşündə İslandiya Belçikaya 0:3 hesabı ilə uduzub. Hər 3 topu “Qarabağ”ın qapıçısı Hannes Halldorsson buraxıb. Bununla da təcrübəli qolkiper ilk 2 tur ərzində qapısında 9 top görüb. İslandiya daha əvvəl İsveçrə ilə görüşdə 0:6 hesabı ilə uduzmuşdu. Son dünya çempionatında bürünc medal qazanmış Belçika isə Millətlər Liqasına böyük hesablı qələbə ilə başlayıb.

Mundialın finalçısı Xorvatiya isə 4-cü qrupun oyununda İspaniyaya 0:6 hesabı ilə məğlub olub. Bununla da Zlatko Daliçin komandası Millətlər Liqasına uğursuz başlayb. Luis Enrikenin baş məşqçi olduğu yığma isə ardıcıl ikinci qələbəni əldə edib. Pireneylilər ilk turda İngiltərəni 2:1 hesabı ilə yenmişdi.

Xorvatiyalı baş məşqçi Robert Prosineçkinin hazırda rəhbərlik etdiyi Bosniya və Herseqovina millisi B Liqasında 3-cü qrupun oyununda Avstriyaya evdə qalib gəlib. Bu, Prosineçkinin komandasının ikinci qələbəsi olub. Azərbaycan millisinin sabiq baş məşqçisi Robert Prosineçkinin hazırda rəhbərlik etdiyi kollektiv ilk turda səfərdə Şimali İrlandiyaya qalib gəlmişdi – 2:1. Avstriya isə hələ ilk matçını keçirib.

C Liqasında hər 2 oyun 2-ci qrupa təsadüf edib. Finlandiya Estoniyanı 1:0, Macarıstan Yunanıstanı 2:1 hesabı ilə yenib.

Nəhayət, D Liqasının 2-ci qrupunda Moldova doğma meydanda Belarusla qolsuz heç-heçə edib. San Marino isə Lüksemburqa böyük hesabla uduzub. Belarus ilk turda San Marionu 5:0, Lüksemburq isə Moldovanı 4:0 hesabı ilə darmadağın etmişdi. Beləliklə, Lüksemburq 6 xalla vahid liderdir.

UEFA Millətlər Liqası, II tur

A Liqası

2-ci qrup

İslandiya – Belçika – 0:3

Qollar: Eden Azar, 29 (p.). Romelu Lukaku, 31; 81

Xal durumu: İsveçrə – 3 (1 oyuna), Belçika – 3 (1), İslandiya – 0 (2)

4-cü qrup

İspaniya – Xorvatiya – 6:0

Qollar: Saul Nyiges, 24. Marko Asensio, 33. Lovre Kaliniç, 35 (öz qapısına). Rodriqo, 49. Serxio Ramos, 57. İsko, 70

Xal durumu: İspaniya – 6 xal (2 oyuna), İngiltərə – 0 (1), Xorvatiya – 0 (1)

B Liqası

3-cü qrup

Bosniya və Herseqovina – Avstriya – 1:0

Qol: Edin Ceko, 78

Xal durumu: Bosniya və Herseqovina – 6 xal (2 oyuna), Şimali İrlandiya – 0 (1), Avstriya – 0 (1)

C Liqası

2-ci qrup

Finlandiya – Estoniya – 1:0

Qol: Teemu Pukki, 12

Macarıstan – Yunanıstan – 2:1

Qollar: Roland Şallai, 15. Laslo Klaynhaysler, 43 – Kostas Manolas, 18

Xal durumu: Finlandiya – 6 xal (2 oyuna), Macarıstan – 3 (2), Yunanıstan – 3 (2), Estoniya – 0 (2)

D Liqası

2-ci qrup

Moldova – Belarus – 0:0

San Marino – Lüksemburq – 0:3

Qollar: Maksim Şano, 9. Orelyen Joakim, 45+1. Danel Sinani, 52

Xal durumu: Lüksemburq – 6 xal (2 oyuna), Belarus – 4 (2), Moldova – 1 (2), San Marino – 0 (2).