Nobel statistikası
Novator.az Nobel mükafatı üzrə rəsmi statistikaya nəzər salıb.
1901-2023-cü illərdə 965 şəxs və 27 təşkilata mükafat verilib. 358 Nobel bir laureata qismət olub, 147 mükafat iki, 116 mükafat üç laureat arasında bölünüb.
5 nəfər iki dəfə, 1 təşkilat üç dəfə, 1 təşkilat iki dəfə Nobel alıb.
Ölkələrə gəlincə, ilk beşlikdə qərar tutan ABŞ-ın 412, Böyük Britaniyanın 138, Almaniyanın 115, Fransanın 76, İsveçin 34 Nobeli var.
Rusiya 1991-ci ildə dağılmış Sovet İttifaqı ilə birgə 30 mükafata sahib çıxıb.
Yaponiya 29, Kanada 27, İsveçrə və Avstriya 25, Niderland 22 mükafat əldə edib.
Hazırda Nobel mükafatı 6 nominasiya üzrə verilir: fiziologiya və tibb; fizika; kimya; ədəbiyyat; sülh; iqtisadiyyat.
