9 gün sonra qovulduğu üçün 3 milyon avro alacaq
"Bolonya"nın baş məşqçisi Sinişa Mixayloviç "Sportinq"dən qovulduğu üçün 3 milyon avro təzminat alacaq.
bia.az xəbər verir ki, bu barədə "A Bola" nəşri məlumat yayıb. Bildirilib ki, ötən ilin iyulunun 18-i Portuqaliya klubuna baş məşqçi təyin olunan mütəxəssislə 9 gün sonra 3 illik müqaviləyə xitam verilib.
İdman Arbitraj Məhkəməsi (CAS) Lissabon təmsilçinin 50 yaşlı mütəxəssisə 3 milyon avro ödəməli olduğuna dair qərar çıxarıb.
Qeyd edək ki, S.Mixayloviç CAS-a müraicət edərək 11.2 milyon avro təzminat istəmişdi.
