Mərkəzi bankların qızıla investisiyaları 8% azalıb
Bu ilin I rübündə dünyadakı mərkəzi bankların qızıla investisiyaları ötən ilin eyni dövrü ilə müqayisədə 8% azalaraq 145 tona düşüb.
“bia.az” xəbər verir ki, bu barədə Dünya Qızıl Şurasının (WGC) “I Rübdə Qızıl Tələb tendensiyalar”ı hesabatında bildirilir.
Hesabat dövründə qızıl istehsalının həcmi isə koronavirus (COVID-19) pandemiyasının təsiri ilə 3% azalaraq 796 tona enib və 5 illik minimumu yeniləyib.
Qızıla ən çox investisiya yatıran mərkəzi bankların siyahısına 73 tonluq göstərici ilə Türkiyə Mərkəzi Bankı liderlik edib. Onu 28 tonla Rusiya və 7 tonla Birləşmiş Ərəb Əmirliklərinin mərkəzi bankları izləyib.
I rübdə qlobal qızıl tələbi ötən ilin eyni dövrü ilə müqayisədə 1% artaraq 1 084 tona yüksəlib.
