Bia.Az

General kitabının güdazına getdi – “Euronews”

Dünya
 23-08-2023, 12:54     205

Homofob və irqçi fikirləri ilə gündəmə gələn italyan general Roberto Vannaççi tutduğu vəzifədən azad olunub.

Novator.az saytı “Euronews” kanalına istinadla xəbər verir ki, 1968-ci il təvəllüdlü general avqustun əvvəlində “Baş-ayaq dünya” adlı kitab nəşr etdirib. Qısa müddətdə “Amazon” internet şirkətinin İtaliya seqmentində bestseller siyahısına düşən kitabda müəllif ətraf mühit müdafiəçilərinin, solçuların, feministlərin, yəhudilərin və işsizlərin ünvanına sərt ittihamlar səsləndirib.
Ən çox səs-küy doğuran onun seksual azlıqlar və qaradərili italiyalılar haqda yazdıqları olub. Ölkənin bir sıra kütləvi informasiya vasitəsi seksual azlıqları anormal olduqlarını etiraf etməyə çağıran, irqi fərqləri insanların bərabər doğulmamasına sübut kimi göstərən generalı homofob, seksist, irqçi yanaşmada qınayıb. İtaliyanın müdafiə naziri ittihamlarla razılaşdığını bəyan edib, Roberto Vannaççinin Silahlı Qüvvələri, Müdafiə Nazirliyini, konstitusiyanı hörmətdən saldığını söyləyib.
Roberto Vannaççi ittihamları rədd edib, öz fikirlərində qaldığını vurğulayıb.
Qalmaqal generalın Hərbi Coğrafiya İnstitutunun rəisi vəzifəsindən azad olunması ilə nəticələnib.
Roberto Vannaççi Quru Qoşunlarının desant bölmələrində xidmət edib, dünyanın bir sıra qaynar nöqtələrində hərbi missiyaların iştirakçısı olub, NATO-nun Əfqanıstandakı xüsusi təyinatlı qüvvələrinin qərargah rəisi, İtaliyanın İraqdakı hərbi qüvvələrinin komandiri postlarını tutub.
Mənbə: Euronews.comскачать dle 12.1