Arxiv

Oxunub:282 / 23 may 11:44sosial

Sabah Nəsimi rayon icra başçısının oğlunun məhkəməsidir



Sabah Nəsimi rayon icra başçısının oğlunun məhkəməsidir

















Mayın 24-də Ali Məhkəmədə Hakim İmran Hacıqayıbovun sədriliyi ilə "McDonalds Azərbaycan" şirkətinin icraçı direktoru Maqsud Mirzəyevin kassasiya şikayətinə baxılacaq

2014-cü ilin sentyabrın 27-də Xəzər rayonunda “Mercedes” markalı avtomobil Əhliman Qəhrəmanovun idarə etdiyi yük maşını ilə toqquşub. Hadisə zamanı Maqsud Mirzəyevin 16 yaşlı oğlu Sənan Mirzəyev dünyasını dəyişib.

2015-ci il mayın 12-də Bakı Ağır Cinayətlər Məhkəməsində hakim Ramella Allahverdiyevanın sədrliyi ilə keçirilən iclasda“Mercedes” markalı avtomobili idarə edən Nəsimi rayon icra hakimiyyətinin icra başçısı Asif Əsgərovun ( Səbayel rayon keçmiş icra başçısı) oğlu İlham Əsgərli 5 il 6 ay, yük avtomobilinin sürücüsü Əhliman Süleymanov isə 6 il müddətinə azadlıqdan məhrum edilib. Lakin 2015-ci ilin iyunun 29-da Bakı Apelyasiya Məhkəməsi Bakı Ağır Cinayətlər Məhkəməsinin 12 may 2015-ci ildə İlham Əsgərli haqda çıxarıdığı 5 il 6 ay azadlıqdan məhrum etmə cəzasını dəyişərək, onun 3 il müddətinə endirilməsi barədə qərar qəbul edib. 2015-ci il noyabrın 12-də isə Sabunçu Rayon Məhkəməsi cinayət törətdikdən sonra cəzanın çəkilməsinə mane olan xəstəliyə düçar olmasına görə İlham Əsgərlinin cəzadan azad edilməsi haqda qərar qəbul edib.

Maqsud Mirzəyev çıxarılan qərara etiraz edərək, şikayət ərizəsi ilə Ali Məhkəməyə müraciət edib.