Ukrayna savaşır, hesabı isə biz ödəyirik - Radev
Ukraynadakı müharibə iqtisadi, sosial və siyasi ölçülərə malikdir və bütün Avropa üçün təhlükə yaradır.
Axar.az xəbər verir ki, bunu Bolqarıstan Prezidenti Rumen Radev deyib.
"Mən açıq şəkildə bildirmək istəyirəm ki, Ukrayna bu müharibəni davam etdirməkdə israrlıdır. Ancaq bu da aydın olmalıdır ki, hesab bütün Avropa tərəfindən ödənilir", - Radev bildirib.
Qeyd edək ki, ötən gün Bolqarıstan Ukraynaya ilk dəfə rəsmi şəkildə hərbi yardım göndərib. Hərbi yardıma 100 ağır zirehli texnika daxildir.
