"Türkiyə təxribatlar və təhdidlər siyasəti qarşısında boyun əyməyəcək" - Ərdoğan

"Terrorçu təşkilatlar və İslamın düşmənlərilə qətiyyətli mübarizə başlamadan bizim reaksiyamız son dərəcə sərt olacaq..."
 
"Qoy Qurban bayramı bütün bəşəriyyətə, İslam dünyasına sülh, əmin-amanlıq və rifah gətirsin..."
 
 Ankaranın Stoqholmda Qurban bayramı zamanı Quranın yandırılmasına reaksiyası son dərəcə sərt olacaq.
 
 Moderator.az xəbər verir ki, Türkiyənin "Yeni Şafak" nəşri Ərdoğanın bu sözlərindən iqtibas gətirib.
 
  O, NATO-ya daxil olması üçün Türkiyənin razılığlnı gözləyən İsveçə dəqiq siqnal göndərib: Ankara heç vaxt təxribatlar və təhdidlər siyasətinə tabe olmayacaq.
 
 İsveçdə Qurban bayramınln ilk günündə məscid qarşısında polisin mühafizəsi altında Quranın yandırılması İslam dünyasınında həyəcan doğurub.
 
 Rəcəb Tayyib Ərdoğan da Türkiyədən NATO-ya daxil olmaq üçün Alyansın iyulun 11-də keçiriləcək sammitində dəstək gözləyən İsveçə birmənalı siqnal göndərib: "Terrorçu təşkilatlarla və İslamın düşmənləri ilə qətiyyətli mübarizə başlamadan bizim reaksiyamız son dərəcə sərt olacaq".
 
 Türkiyə prezidenti Rəcəb Tayyib Ərdoğan Ədalət və İnkişaf Partiyasının İstanbul şöbəsində bayram proqramında çıxış edib. İsveçdə Quranın yandırılması ilə bağll təxribatı şərh edərkən, o, qeyd edib: "Biz təxribatlar və təhdidlər siyasəti qarşısında boyun əyməyəcəyik".
 
 Onlar öz məqsədlərinə nail ola bilməyəcək
 
 Ərdoğan öz çıxışında qeyd edib: "Hal-hazırda dünyada iki milyard müsəlmanın ürəkləri vahid mənəvi atmosferdə dinclik və sakitliyə qərq olur. Lakin İslamın və bəşəriyyətin düşmənləri bu atmosferə polisin mühafizəsi altında öz təxribatları ilə kölgə salmaq istəyir.
  
Bunlardan biri də bizim müqəddəs Kitabımız olan Quranın Qurban bayramının ilk günündə iyrəncliklə yandırılmasıdır. Bu cinayəti törədənlərlə yanaşı, fikir azadlığı adı altında buna icazə verənlər və bu alçaqlığa göz yumanlar öz məqsədlərinə nail ola bilməyəcək".
 
 "Hamı bilsin ki, Türkiyə heç vaxt təxribatlar və təhdidlər siyasəti qarşısında boyun əyməyəcək, - dövlət başçısı davam edib. - Terrorçu təşkilatlar və İslamın düşmənləri ilə qətiyyətli mübarizə başlamayanadək bizim reaksiyamız son dərəcə sərt olacaq".
 
 Gəlin inciklikləri bir kənara qoyaq
 
 Ərdoğan həmçinin Qurban bayramı münasibətilə bəyanatlar verib. Onun sözlərinə görə, hər dəfə bayram zamanı bütün millətin, böyükdən kiçiyədək qardaşlıq kampaniyasına qoşulduğunu, bu bayram günlərində incikliklərin bir kənara qoyulduğunu, balacaların sevindiyini, müqəddəslərin əllərindən tutulduğunu, yetimlərin göz yaşlarının silindiyini, tənhaların qapılarının döyüldüyünü, 85 milyonun millətin mövcudluğunu möhkəmləndirdiyini görmək çox xoşdur.
 
 Dövlət qulluqçularının əmək haqqları üzrə təkliflər parlamentin baxılması üçün təqdim ediləcək
 
 Türkiyə dövlətinin başçısı məlumat verib ki, bayramdan sonra dövlət qulluqçularının əmək haqqı barədə təşəbbüs parlamentin baxılması üçün təqdim ediləcək.
 
 Telefon diplomatiyası
 
Ərdoğan bayram münasibətilə telefon diplomatiyasını həyata keçirib. O, İran prezidenti İbrahim Rəisi, İraqın Kürd regional administrasiyasının rəhbəri Neçirvan Bərzani, Bosniya və Herseqovinanın Demokratik Hərəkat Partiyasının sədri Bəkir İzzətbəyoviçlə söhbət edib. Liderlər Qurban bayramının bütün bəşəriyyətə, ilk növbədə İslam dünyasına sülh, əmin-amanlıq və rifah gətirməsini arzu edib.скачать dle 12.1