Bia.Az

Ərdoğanın andiçmə mərasiminə bu liderlər gəlir

Dünya
 2-06-2023, 17:27     308

İyunun 3-də Türkiyə Böyük Millət Məclisində keçiriləcək Rəcəb Tayyib Ərdoğanın andiçmə mərasiminə dünyanın 25 lideri və 45-ə yaxın nazir qatılacaq.

Axar.az xəbər verir ki, bu barədə Türkiyə mətbuatı məlumat yayıb.

Məlumata görə, mərasimdə Azərbaycan Prezidenti İlham Əliyev və digər türk respublikalarının liderləri iştirak edəcək.

Bir sıra ölkələr isə xarici işlər nazirləri səviyyəsində qatılacaq. Somali, Əlcəzair, Balkan ölkələrinin prezidentlərinin, Qətərin Baş naziri Məhəmməd bin Əbdül Rəhman əs-Saninin andiçmə mərasiminə qatılacağı bildirilib.


Qeyd edilib ki, NATO Baş katibi Yens Stoltenberq də mərasimdə iştirak edəcək. Andiçmə mərasimindən sonra Ərdoğanın ilk qonağı BƏƏ əmiri Məhəmməd bin Zayed ən-Nəhyan olacaq. Hər iki lider görüşdən sonra İstanbulda keçiriləcək Çempionlar Liqasının final matçını izləyəcək.скачать dle 12.1