Erməni müxalifətçi: "Paşinyan ya Ermənistanın ölüm hökmünə, ya da öz istefa sənədinə imza atmalıdır"
"Baş nazir Nikol Paşinyanın yalnız iki yolu qalıb: ya Ermənistan Respublikasının ölüm hökmünü, ya da özünün istefasına imza atmaq".
Musavat.com erməni mediasına istinadən xəbər verir ki, bu sözlər erməni müxalifətçi deputat, Ayk Mamicanyan tərəfindən parlamentin iclasında səslənib.
Onun sözlərinə görə, Nikol Paşinyan Qarabağla bağlı artıq edəcəyini edib və deyəcəklərini deyib. "İndi növbə bizdədir ", - deyə Mamicanyan vurğulayıb.
Mamicanyan bundan başqa Qarabağla bağlı parlamentdə açıq debat keçirilməsini tələb edib.
Onun sözlərinə görə, bu müzakirələr “Paşinyanın Azərbaycan prezidenti İlham Əliyevdən hansı dərin biliklər aldığını” göstərəcək.
