Arxiv

Oxunub:322 / 22 apr 17:42iqtisadiyyat

Əli Kərimli həmişə düşmən dəyirmanına su töküb



Əli Kərimli həmişə düşmən dəyirmanına su töküb


Əli Kərimli həmişə anti-Azərbaycan qüvvələrin dəyirmanına su töküb və bu gün də öz missiyasını davam etdirir.
Unikal.org xəbər verir ki, bunu Trend-ə Yeni Azərbaycan Partiyasının icra katibinin müavini, Milli Məclisin deputatı Siyavuş Novruzov deyib.

O qeyd edib ki, Ə.Kərimli Azərbaycan xalqının birliyinə, dövlətçilik amalı uğrundakı vəhdətinə kölgə salmağa cəhd edir.

S.Novruzov bildirib ki, vətənpərvər gənclərin Ə.Kərimlinin evi qarşısında keçirdikləri kütləvi etiraz aksiyalarından sonra AXCP sədri onun özündən fərqlənməyən bir neçə tərəfdarını evində topladı. Lakin onun evinə toplaşanların hər birinin dövlətçilik maraqlarını satmaqda adları hallanır:

"Əli Kərimlinin evinə toplaşanlar, onu AXCP mətbuatında müdafiə edənlər vaxtilə Şuşanı, Xocalını, Qarabağın bir sıra digər ərazilərini ermənilərə satanlardır. İndi onlar yenidən erməniyə işləmək üçün fürsət əldə ediblər. Bu fürsəti onlara Əli Kərimli verib. Əlbəttə ki, düşmən bu ünsürlərə verdiyi tapşırıqlar müqabilində nə isə verəcək. Ona görə də belələrini hətta ölkənin həssas dönəmlərində Vətən, dövlət, xalq kimi əhəmiyyətli faktorlar qətiyyən maraqlandırmır. Xəyanətkarları, satqınları birləşdirən məqam da məhz budur".