“Georgian Eyrveys” Zurabişvilini təyyarəyə buraxmayacaq
Gürcüstan Hava Yolları Prezident Salome Zurabişviliyə xidmət göstərməkdən imtina edib.
Axar.az xəbər verir ki, bu barədə şirkətdən bildirilib.
“Gürcüstan Hava Yolları şirkətin xidmətlərindən istifadə etməkdən imtina etdikdən sonra prezidenti təyyarəyə buraxmayacaq”, - şirkətdən bildirilib.
Qeyd edək ki, dünən Gürcüstan Prezidenti Salome Zurabişvili Rusiya ilə birbaşa uçuşların bərpasına mənfi münasibət bildirib və bu ölkəyə uçuşlara başlayan “Georgian Eyrveys”i boykot etdiyini bəyan etmişdi.
