Arxiv

Oxunub:518 / 11 may 07:59sosial, gundem

Şərəfsizlər MAFİYASI



Şərəfsizlər MAFİYASI
















Modelin ölümü, 8 milyonluq iş, dərman mafiyası... deputat oğlunun şok dosyesi - Sensasiya!!!

Saxta dərman mafiyasının arxasından millət vəkili Elmira Axundovanın oğlu çıxıb

FİA.Az xəbər verir ki, qalmaqallı deputat oğlu Həbib Axundov “Elit” apteklər şəbəkəsini idarə edirmiş.

Dövlət Təhlükəsizlik Xidmətinin həyata keçirdiyi əməliyyatın biri də “Elit”də keçirilib və azpolitika.info yazıb ki, həmin əczaxanalar şəbəkəsi deputat oğluna məxsusdur.

İddialara görə, dövlət qeydiyyatından keçməmiş dərman vasitələrini satan apteklərdən birinin E.Axundovanın ailəsinə məxsus olduğunun üzə çıxması onlara başağrısı olub.

Onsuz da skandallardan başı açılmayan Axundovlar indi növbəti sınaq qarşısındadırlar.

Adı 8 milyonluq fırıldaqda və modelin müəmmalı ölüm işində keçmiş H.Axundov indi də dərman mafiyası işində cəncəldədir. “Elit” aptek şəbəkələri 1993-cü ildən fəaliyyət göstərir.

İnternetdə “Elit” apteklər şəbəkəsilə bağlı məlumat toplamaq istərkən, E.Axundovanın üstüörtülü şəkildə bu apteki reklam edən fikirlərinə rast gəlinib.

Deputat bir neçə il əvvəl prezidentin dərman preparatlarının qiymətilə bağlı tutduğu iradlara münasibət bildirərkən, aptek sistemində pərakəndəlik olduğunu qeyd edib: “Mən özüm diabet xəstəsiyəm, yoldaşım da xəstə insandır. Bu səbəbdən də apteklərə tez-tez müraciət edirik.

Məsələn, əgər hansısa dərman “Elit” aptekdə 15 manatadırsa, “AVİS” aptekdə 25 manatadır. Doğrudur, “AVİS”-dən istənilən dərmanı əminliklə, rahat bir şəkildə almaq olar. Xidmətləri yüksək səviyyədədir, amma həddən artıq bahalıdır.

Ya da “Alman” aptekini götürək. Burada da hamı bilir ki, təmiz və keyfiyyətli dərmanlar satılır”. Göründüyü kimi, Elmira Axundova üstüörtülü şəkildə “Elit” aptekini reklam edib.

Hansı ki, indi bu aptekin qeydiyyatsız dərman dövriyyəsilə məşğul olduğu, saxta dərmanlarla insanları zəhərlədiyi aşkarlanır.

Maraqlıdır, açıqlamalarında özünü kasıbların qayğısına qalan biri kimi göstərən Elmira Axundovanın bundan xəbəri olubmu?

FİA.Az xəbər verir ki, deputat oğlunun adı ilk dəfə qalmaqalda hallanmır.

H.Axundov anasının gələn parlament seçkilərində mandat şanslarını sıfıra endirib. Deputat Elmira Axundovanın oğlu Həbib Axundov son dərəcə bahalı yaxtasını satıb.

Alqı-satqı Həbib Axndovun adı hallanan mübhəm ölüm işindən az sonraya təsadüf edib. 2017-ci il iyunun 26-da Xəzərin Bilgəh qəsəbəsi ərazisində ölüm baş verib.

Azərbaycanlı model, “Miss Lafarella” internet yarışmasının iştirakçısı Günel Rəşid qızı Mirzəyevanın olduğu yaxta dənizə çıxıb və model müəmmalı şəkildə Xəzərin sularına qərq olub.

Fövqəladə Hallar Nazirliyi (FHN) xilasedicilərinin 3 günlük gərgin, davamlı axtarışlarından sonra G.Mirzəyevanın meyiti sudan çıxarılaraq yaxınlarına təhvil verilib.

G.Mirzəyevanın ölümü ilə bağlı Sabunçu Rayon Prokurorluğunda Cinayət Məcəlləsinin ehtiyatsızlıqdan adam öldürmə (124.1) maddəsi ilə cinayət işi başlanıb.

Modelin dənizə kiminlə, kimin yaxtasında çıxması haqda rəsmi qurumlar bu günə qədər məğrur susqunluq nümayiş etdiriblər.

Bilinən odur ki, Günel Mirzəyeva 5 nəfər dostu ilə birlikdə dənizə yaxta gəzintisinə çıxıblar və o, dənizdə boğularaq ölüb.

Həmin vaxt dostları harada olub, ona niyə kömək etməyiblər, dostlarının ölümə hər hansı bir formada aidiyyatlarının olub-olmaması sualı bu günə qədər açıq qalmaqdadır.

Həbib Axundovun adı 8 milyonluq dələduzluq qalmaqalında da hallanır. Vətəndaşlar Ziya Vəliyev, Elvin Vəliyev, Sabir Ağayev, Fərman Məmmədov və Şahin Məhərrəmov deyirlər ki, Həbib Axundovla dostu Elnur İbrahimovun yaratdıqları maliyyə fırıldağı piramidasının qurbanlarıdırlar.

Həmin pullar hesabına Bakı şəhərinin A.Alı 45 ünvanında 5 mərtəbəli möhtəşəm bina, Nəsimi rayonu N.Rəfibəyli küçəsi 72 ünvanında 6 mərtəbəli ofis binası inşa etdirən Həbib Axundov qiyməti yüz min manatlarla ölçülən 4-5 ədəd bahalı avtomaşınlarda gəzməklə, London, Dubay, Türkiyədə kef məclisləri qurmaqla ”Port Baku" yaşayış kompleksində 235 kv.metrlik lüks evində dəbdəbəli həyatını yaşayır. Bu adam Dövlət Gömrük Komitəsində 486 manat aylıq maaşa işləyib.

Bu maaşla bu qədər obyekt və avtomaşınlara, villalara və daha nələrə sahiblənib? Həbib Axundovun və onun havadarlarının qanun qarşısında cəzalandırılması, bizə vurduğu maddi ziyanın ödətdirilməsi təmin olunmalıdır.