Arxiv

Oxunub:76 / 11 may 05:32sosial, gundem

Mobil operatorlar üzərində tam monopoliya: KİMDİR NƏSİB HƏSƏNOV?!



Mobil operatorlar üzərində tam monopoliya: KİMDİR NƏSİB HƏSƏNOV?!














Nəsib Həsənov mobil operatorlar üzərində tam monopolya əldə edib

Azərbaycanın qaranlıq biznes imperatoru yeni monopolist əjdahanı yaratmaq cəsarətini haradan alır?

Ötən il Nəqliyyat, Rabitə və Yüksək Texnologiyalar Nazirliyinə məxsus “AzInTelecom” Məhdud Məsuliyyətli Cəmiyyəti “Azercell Telecom”un səhmlərinin nəzarət zərfinin alınması ilə bağlı müqavilə imzalayıb. Və bu müqavilədən sonra belə ümid yarandlı ki, uzun müddət abunəçilərin əsəbləri ilə oynayaraq özünü mobil operator bazarının avtroteti kimi aparan “Azercell”in oyunlarına nəhayət ki, son qoyula bilər. Hər halda hökumətin məsələyə əl qoyması belə ümidlər yaradırdı ki, mobil operator bazarı nəhayət ki, bir müştərilərini adam yerinə qoymayan bir monopolistin əl-ayağını yığa biləcək. Bu addım dövlət başçısının inhisarçılığa qarşı mübarizə aparılacağı barədə verdiyi anonsun davamı və aparılan iqtisadi islhatların tərkib hissəsi sayıla bilər.

“Bakcell” və “Narmobile” operatorlarının birləşməsi cəmiyyətdən niyə gizlədilib?

Lakin təəssüf hissi ilə qeyd edək ki, xural.com olaraq mobil bazar monopolistinin biri sıradan çıxarılarkən bazara daha böyük bir inhisarçının daxil olduğu barədə xəbər əldə etmişik. Bu barədə məlumat yeni əldə edilsə də, əslində bu operatorun bazara girməsi yenilik deyil. Söhbət “Bakcell” və “Narmobile” operatorlarının birləşməsindən gedir. Bu birləşmə barədə indiyə qədər mediaya açıqlama verilməməsi də ciddi şübhələr doğurur. Görəsən, iki tanınmış operatorun birləşməsinin gizli saxlanılmasının səbəbi nədir?

Qeyd edək ki, bu şirkətlər əvvəllər keçmiş CRA, indi isə CDP-yə çevrilmiş böyük biznes imperiyasının başçısı Nəsib Həsənovun nəzarətində olub. Xatırladaq ki, Nəsib Həsənov hansısa səbəblərdən özünün və biznesinin kölgədə qalmasını sevən iş adamıdır. Bakcell və Narmobile, Xalqbank, Nobeloil və Normsement, NobelOil kimi daha neçə-neçə iri şirkətlərin daxil olduğu bir biznes imperiyasının başında dayan Nəsib Həsənovun indiyə qədər hansısa tədbirdə görünməsi, açıqlama ilə çıxış etməsinə rast gəlinməyib. Niyəsini heç kim bilmir.

Kimdir Nəsib Həsənov?

Aldığımız məlumata görə, bir neçə il əvvəl yuxarıda adı çəkilən şirkətlərdən ibarət pramidanın təpəsində olan CRA Qrupun və onun sahibi Nəsib Həsənovun fəaliyyəti, övladı barədə müxtəlif informasiyalar yayılandan sonra CRA Şirkətlər Qrupunun ləğv edilməsi, yenidən qurulması və adının dəyişdirilməsi barədə qərar qəbul olunub. İmperatorun yeni imperiyasının adı CDP adlanır və bu şirkətlər Qrupu hazırda Azərbaycanda bir sıra sahələrdə, o cümlədən bu günlərdə ciddi müzakirəyə səbəb olan dərman biznesində də inhisara sahibdir. CDP-nin Azərbaycanda ən böyük monopoliyası isə mobil telekommunikasiya səhəsindədir. Belə ki, “Bakcell” və “Narmobile” operatorları məhz CDP qrupuna aidddir. Son zamanlar isə bu iki mobil operator eyni mərkəzdən idarə olunmaqdadır. Birləşməyə səbəb kimi xərclərin ixtisar edilməsi göstərilir.

Aldığımız məlumata görə, həqiqətən də N.Həsənov xərclərə qənaət etmək üçün adı çəkilən bütün şirkətlərdə ciddi kadr və vəzifə ixtisarları apartdırıb. Bir çox ixtisaslı kadrlarla yollarını ayıran Həsənov, ancaq özünə və yaxın ətrafına bağlı adamları işdə saxlatdırıb. Xüsusi informasiyalı adamlar isə gözləmələri tövsiyə olunaraq yeni iş veriləcəyi vədi ilə aldadılıblar.

Bütün bunlar təbii ki, Nəsib Həsənovun şəxsi işidir. Lakin “Bakcell” və “Narmobile” barədə son qərarı maraq doğurur. Çünki ölkədə irimiqyaslı iqtisadi islahatlara start verdiyi bir vaxtda N.Həsənovun özündə iki monopolist şirkəti birləşdirərək superinhisarçı bir iqtisadi əjdaha yaratması maraqlı görünür. Aldığımız məlumata görə isə “Azercell Telecom”un səhmlərinin nəzarət paketi də yaxın zamanlarda CDP qrupa veriləcək. Bu vəziyyətdə isə ölkənin mobil opertorların tamamilə bir əldə cəmləşməsi faktı reallaşacaq./xural.com/