Ermənistan ordusu “mavi döyüş” vəziyyətinə gətirilib: Sərhəddə hələlik sakitlikdir
Azərbaycanla sərhəddə yerləşdirilmiş Ermənistan ordusu dünəndən etibarən “mavi döyüş” vəziyyətinə gətirilib. JAMAZ.İNFO xəbər verir ki, bu barədə Ermənistan parlamentinin deputatı, milli müdafiə və təhülkəsizlik komissiyasının sədri Andranik Koçaryan məlumat yayıb.
O bildirib ki, hazırda sərhəddə nisbi sakitlikdir. “Nə demək istdəyimi anlayanlar anladı. Ordumuz sərhədlərimizi qoruyur. Onlara xidmət müddətində uğurlar arzulayıram”.
Qeyd edək ki, “mavi döyüş” vəziyyəti ordunun döyüş hazırlığ vəziyyətinə gətirilmə hallarından biridir. Bu zaman müdafiə deyil, hücum taktikasına üstünlük verilir. Görünür, Ermənistan Brüssel danışıqlarında verdiyi vədlərin üzərindən qaçmaq üçün yenidən təxribata əl atmağı düşünür. Çünki İrəvan hökumətində bu adi hala çevrilib.
