Çöhrəqanlının Bakı səfərinə kim imkan verməyib?
Güney Azərbaycan Milli Oyanış Hərəkatının (GAMOH) rəhbəri Mahmudəli Çöhrəqanlının mayın 1-də Azərbaycana planlaşdırılan səfərinin baş tutmasına bir sıra şəxslər mane olub.
Bu sözləri Axar.az-a Bakıda səfərdə olan GAMOH-un idarə heyətinin üzvü Ağrı Qaradağlı deyib.
Çöhrəqanlının səfərinin bir neçə ay öncədən planlaşdırıldığını deyən Qaradağlı bunun növbəti dəfə baş tutmamasına təəccübləndiyini bildirib.
“Görünür, onların hakimiyyətdə səlahiyyətlərinin olmamasına baxmayaraq, hələ də hansısa məsələlərə müdaxilə imkanlarını qoruyub saxlaya biliblər”, - Qaradağlı bildirib.
Mahmudəli Çöhrəqanlı özü açıqlamasında Bakıya səfərinin qarşısının alınmasında Ramiz Mehdiyev və Əli Həsənovun əllərinin olduğunu iddia edib.
Qeyd edək ki, M.Çöhrəqanlı Bakıya Türkiyə üzərindən, Türk hava Yolları ilə uçmaq istəyib.
ABŞ-da ona bildirilib ki, Türkiyəyə girişində qadağa var, buna görə də Türkiyədən tranzit üçün Bakıdan rəsmi dəvətnaməsi olmalıdır.
