Xətaidə satılan torpaqlar, məhv edilən ağaclar – Foto
Bakının Xətai rayonu ərazisində ağaclıq ərazilərin şəxsi mülkiyyətə və obyekt yerlərinə verilməsi nəticəsində məhv edilən və yaxud hasarlanaraq, məhv edilmək üzrə olan yaşıllıqların görüntüləri yayılıb.
Axar.az xəbər verir ki, sosia şəbəkədə paylaşılan fotolarda rayon ərazisində sovet dövründən mövcud olan yaşıllıq sahələrinin məhv edilməsi mənzərəsini təsəvvür etmək mümkündür.
Bir çox yerdə ağacları “qorumaq” adı ilə onu kəsməsələr də, düz dibində tikinti aparılıb və ağaclar daş divar arasında həbs edilib, bu ağacların quruması vaxt məsələsidir; bəzi ərazilərdə isə ağaclar hasara alınıb və növbəti tikinti zamanı “yaşıl soyqırıma” məruz qalacağı qaçılmazdır.
Qeyd edək ki, ötən əsrin 70-ci illərində Bakıda aparılan irimiqyaslı yaşıllaşdırma işləri görülüb və nəticədə paytaxtda 1990-cı ilə qədər 15 min hektar yaşıllıq olub. Hazırda isə 15 min hektar yaşıllıq ərazinin 14,1 min hektarı məhv edilib, cəmi 920 hektar qalıb.
