Bia.Az

“WhatsApp”dan növbəti yenilik: Artıq heç bir mesaj silinməyəcək

Cəmiyyət
 13-04-2023, 16:05     208

Milyardlarla istifadəçisi olan mesajlaşma proqramı “WhatsApp” növbəti yeniliyə imza atmağa hazırlaşır.

“WhatsApp” yaddaşdakı məlumatları itirmək qorxusu yaşayan istifadəçilər üçün yeni funksiyanı işə salır. Belə ki, bu funksiya sayəsində istifadəçilər mesajlarının, həmçinin foto və videolarının ehtiyat nüsxəsini çıxara biləcəklər.

Bu yeni funksiya istifadəçilərin mesajlarının, fotolarının, videolarının, sənədlərinin və bütün digər məlumatların ehtiyat nüsxəsini çıxararaq onların itirilməsi riskini aradan qaldırır. Bu, o deməkdir ki, istifadəçilər məlumatlarını təsadüfən silməkdən və ya telefonlarını dəyişdirərkən bütün məlumatlarını itirməkdən narahat olmaya bilərlər, çünki istənilən vaxt öz məlumatlarını bərpa edə biləcəklər.

“WhatsApp”ın bulud xidməti əsasında həyata keçirilən bu funksiya hər bir istifadəçiyə öz “Google Drive” və ya “Apple iCloud” hesabında ehtiyat nüsxələri çıxarmağa imkan verir.

Həmçinin də istifadəçilərə daha çox yaddaş sahəsi və təhlükəsizlik imkanı verir. Digər tərəfdən məlumatların ehtiyat nüsxələri artıq avtomatik olaraq yüklənir.

Bununla belə, istifadəçilər “WhatsApp” məlumatlarının ehtiyat nüsxəsini çıxarmaq üçün əvvəlcədən “Google Drive” və ya “Apple iCloud” hesabı açmalıdırlar. Bu hesablar olmadan ehtiyat çıxarma funksiyasından istifadə etmək mümkün deyil.

““WhatsApp”ın bu funksiyası bir neçə həftə ərzində istifadəçilərə təqdim olunacaq./Mənbə: Haber Globalскачать dle 12.1