Arxiv

Oxunub:111 / 28 fev 08:38sosial

AZƏRBAYCANDA maaşın yarısını “yeyən” kommunal xərclər - PROBLEM



AZƏRBAYCANDA maaşın yarısını “yeyən” kommunal xərclər - PROBLEM















Azərbaycanda kommunal xərclər ən çox müzakirə edilən və tez-tez şikayət olunan sahədir. Ötən il kommunal sahədə ard-arda baş verən qiymət artımı bu sahədəki çətinlikləri bir daha artırmış oldu. Hökumət isə bu məsələdə açıqlamalarını davam etdirməkdədir.Bəzi məmurlar kommunal xərclərin artımını normal hesab edir, xarici ölkələrin təcrübəsini əsas gətirirlər.

Rəsmilər əsasən Türkiyə və Avropa ölkələrində kommunal xərclərin Azərbaycanla müqayisədə daha yüksək olduğunu bildirirlər.Halbuki bu xərclər həmin ölkələrdəki əməkhaqqına adekvat olaraq hesablanıb və nəzərdə tutulub.Azərbaycanda isə bunun tam əksidir.Əhali kommunal xərcləri ödəməkdə çətinlik çəkir, çünki bu xərclər hər bir ailə başçısının aldığı əməkhaqqına müvafiq deyil.İnsanlar əməkhaqqının əhəmiyyətli bir hissəsini kommunal xidmətlərə verirlər.

Qeyd edək ki, paytaxtda yeni tikilən binalarda kommunal xərclər köhnə tikililərə nisbətən daha çoxdur. Sakinlər özlərini az qala evlərində kirayənişin kimi hiss edirlər. Hər bir ailə təxminən ayda kommunal xərclərə 150-200 manat civarında ödəmələr edir.Hələ bu ödəmələrlə MTK-lara “ev pulu” ödənişi də etməlidirlər.

Ekspertlərin fikrincə, kommunal xərclər, eləcə də bütün bu sahələr hökumətin birbaşa nəzarəti və inhisarı altındadır.Məhz bunları nəzərə alaraq xarici ölkələrdə mənzərə tam fərqlidir.Orada insanların məvacibi elə həddədir ki, bunun qarşılığında kommunal xidmətlərə ödədikləri məbləğ çox cüzi faiz təşkil edir.Avropada məvacib ən aşağısı 2 min dolların üstündədir.Əhali təxminən kommunal xidmətlərə ayda 150-200 dollar ödəyir.Bundan əlavə ABŞ-da orta aylıq əməkhaqqı 5-6 min dollar təşkil edir.Kommunal xərclərin məbləği isə 100-150 dollar arasındadır.Azərbaycanda isə orta aylıq əməkhaqqı 400 manatdır, bunun müqabilində isə istehlakçı hər ay kommunal xidmətlərə təxminən 150-250 manat arası ödəniş edir.

Bütün bunlar azmış kimi qaz, işıq, su, istilik təchizatında ilboyu problemlər və axsamalar olur.İstehlakçı tam olaraq bu xidmətlərdən yararlana bilmir. Mənzil və kommunal təsərrüfatı xərcləri üçün 2018-ci il üçün dövlət büdcəsindən 457,4 milyon manat vəsait ayrılıb. Bu, 2017-ci illə müqayisədə 153,2 milyon manat və ya 50,4 faiz çoxdur. Bu barədə 2018-ci ilin dövlət və icmal büdcələri üzrə layihələrin təqdimatında qeyd edilib. Həmin vəsaitin 133,8 milyon manatı, yaxud 29,3 faizi rayon və şəhərlərdə mənzil təsərrüfatının fəaliyyətinin tənzimlənməsinə, kommunal və abadlıq işlərinin həyata keçirilməsi üçün nəzərdə tutulub.