Arxiv

Oxunub:247 / 16 mar 10:49siyaset

Oxunmalı yazı: Facebook müxalifəti - ÖZƏL



Oxunmalı yazı: Facebook müxalifəti - ÖZƏL

Bu cür siyasi mübarizə ilə ölkəni dəyişmək istəyənlər kimi aldadırlar?

Ölkənin siyasi gündəmi xeyli qarışıqdır. Bir tərəfdən iqtisadi böhranın qapımızı silkələdiyi, digər tərəfdən hakimiyyətin islahatlara baş vurması davamlı olaraq mözuların dəyişməsinə gətirib çıxarır. Politika.Az xəbər verir ki, bütün bunların fonunda Azərbaycanda müxalifətin gözə dəyməməsi isə bir başqa məsələdir.
Facebook müxalifəti
Qeyd edək ki, hazırda ölkədə iki müxalifət partiyası var. Müsavat və AXCP-nin fəaliyyətinin real cəmiyyətdə diqqəti çəkməməsi isə məlum deyil. Əslində, müxalifət düşərgəsi bu vəziyyətlərdə daha aktiv olaraq, cəmiyyəti təşkilatlandırmalı, ardından da təsir imkanlarından yararlanmalıydı. Ancaq bizdə bunun tam tərsi müşahidə olunur.
Facebook müxalifəti
Faktiki olaraq müxalifət düşərgəsi bütün gücünü sosial şəbəkələrə, xüsusən də Facebooka sərf edir. AXCP sədri Facebookdakı səhifəsi vasitəsi ilə statuslar yazaraq, cəmiyyəti təşkilatlandırmağa cəhd göstərir. Eyni zamanda, partiya sədri onu tənqid edənləri elə sosial şəbəkələr vasitəsi ilə təhqir atəşinə tutdurur ki, bu da çox vaxt qalmaqallara səbəb olur. Halbuki siyasi mübarizədə tənqid də olar, təqdir də. Amma Əli Kərimli üçün təqdir daha mühümdür. Tənqid ona yaddır. O özünü qüsursuz sayır, kimsənin onu tənqid etməsini qəbul etmir və mütləq biri olduğunu düşünür. Normalda belə liderlərin siyasi meydanda olması nəticə etibarı ilə zərərli nəticələrə gətirib çıxarır.
Facebook müxalifəti
Elə bunun nəticəsidir ki, hazırda Azərbaycanda müxalifət yoxa çıxmış vəziyyətdədir. Nə təşkilatçılıq var, nə də siyasi mübarizə. Qismən mətbuat üzərindən, əsasən də Facebook vasitəsiylə aparılan mübarizə isə heç bir zaman effektiv olmayıb və olması da mümkün deyil. Meydanda Əli Kərimli kimi iddialı, eyni zamanda tənqidə dözümsüz olan birilərinin olması da məntiq etibarı ilə aparılan siyasi mübarizəni məğlubiyyətə məhkum edir.
Facebook müxalifəti
Müsavatın lideri İsa Qəmbər isə yerini Arif Hacılıya verdikdən sonra özünü Düşüncə Mərkəzinə verərək, oradakı müzakirələrdən yararlanmağa çalışır. Hərçənd İsa Qəmbər də siyasi lider kimi, faktiki vəziyyətdən yararlanmalı və mübarizəni təşkil etməlidir. Onun fəaliyyəti isə əsasən özünü qorumağa yönəlib ki, bunun da müdafiədən başqa bir şey olmadığı diqqəti çəkir. Düzdür, Müsavat lideri Facebookda da fəaldır. Amma sosial şəbəkələr cəmiyyətin təşkilatlanmasında artıq heç bir təsir imkanına malik deyillər. Yəni, Azərbaycanda müxalifət ancaq Facebook üzərində var. Daha doğrusu, virtual müxalifət obrazı çoxdan formalaşıb.
Facebook müxalifəti
Bu iki partiyanın apardığı siyasətin bərbad durumda olması səbəbindən siyasi mübarizədə bir sıra neqativliklər də meydana çıxır. Üstəlik, ortaya heç bir siyasi çəkisi olmayan şəxslər çıxırlar. Həmin şəxslərin isə cəmiyyəti sapdırması, normal siyasi mübarizə apara bilməməsi dəqiqdir. Məsələn, bu gün Ruslan İzzətli və ya Tural Abbaslı kimi şəxslərin müxalifət adına iddia etməsi sözün həqiqi mənasında başadüşülən deyil.
Facebook müxalifəti
Həmçinin siyasi səhnə o günə qalıb ki, artıq Hafiz Hacıyev belə müxalifət adına iddia edir. Elementar siyasi etikası olmayan, kimin tərəfinə yıxılacağını müəyənləşdirməyən, ağzına nə gəldi danışan birinin siyasi səhnəyə buraxılması biabırçılıqdan başqa bir şey deyil.
Facebook müxalifəti
Politika.Az bildirir ki, hazırkı durumda mövcud olan siyasi müxalifət mahiyyət etibarı ilə məğlubiyyətə məhkumdur. Əli Kərimli, İsa Qəmbər, Arif Hacılı və digərləri yerlərini tərk edib, onu yeni qüvvələrə buraxmalıdırlar. Əks təqdirdə, aparılan mübarizənin hər hansı bir effekti olacağı inandırıcı deyil. Facebook üzərindən təşkilati işlər aparacaqlarını və bunun uğurla nəticələnəciyini düşünənlər isə yanılırlar.

Politika.Az: Xəbəri götürərkən istinad etmək mədəniyyətdir