Arxiv

Oxunub:38 / 12 yan 07:25dunya

“Suriyada İŞİD və İranla mübarizə aparılacaq” — ABŞ-dan bəyanat



“Suriyada İŞİD və İranla mübarizə aparılacaq” — ABŞ-dan bəyanat















ABŞ və rəhbərlik etdiyi koalisiya qüvvələri Suriyada İŞİD terror təşkilatı ilə mübarizəni davam etdirəcək.
Bu barədə ABŞ dövlət katibinin Yaxın Şərq məsələləri üzrə köməkçisi Devid Satterfild bildirib. Onun sözlərinə görə, Rusiyanın bəyan etdiyi kimi Suriyada terrorçulara tam qələbə çalınmayıb.

“Rusiya Suriyada İŞİD terror təşkilatının tam məğlub olduğu barədə bəyanat verib. Lakin ABŞ və rəhbərlik etdiyi koalisiya qüvvələri hələlik Suriyada tam qələbənin təmin edilməsindən əmin deyil. Hələ də Suriyada İŞİD terroçuları var. ABŞ İŞİD üzərində tam qələbəni təmin etmək üçün mübarizəni davam etdirəcək”, - deyə Devid Satterfild bildirib.
ABŞ rəsmisi əlavə edib ki, İŞİD üzərində qələbə çaldıqdan sonra ABŞ ordusunun Suriyadakı mövcudluğunun əsas məqsədi İrana qarşı mübarizə aparmaq olacaq: “Biz İranın Suriyadakı fəaliyyətindən və oradakı fəallığını artırmaq potensialından çox narahatıq”.