Bakıya gələn NATO generalı prezident olmaq istəyir
Çexiyada ölkə prezidenti seçkiləri üçün seçki məntəqələri açılıb.
Axar.az Publika.az-a istinadən xəbər verir ki, seçki məntəqələri yanvarın 13-ü saat 22:00-a qədər açıq olacaq və 14 yanvar şənbə günü saat 08:00-dan 14:00-dək yenidən işləyəcək.
Qeyd olunur ki, ölkənin keçmiş baş naziri və prezidentliyə namizəd Andrey Babiş artıq səs verib.
Həmçinin NATO Hərbi Komitəsinin keçmiş rəhbəri, ehtiyatda olan ordu generalı, 61 yaşlı Petr Pavel də bu vəzifəyə iddialıdır. Qeyd edək ki, Petr Pavel bu vəzifədə ikən 2017-2018-ci illərdə bir neçə dəfə Bakıya səfər edib. Onun səfərində məqsəd Rusiya Silahlı Qüvvələrinin Baş Qərargah rəisi Valeri Gerasimovla görüşmək olub.
