Bia.Az

RUSİYA XİN-dən QARABAĞLA BAĞLI VACİB AÇIQLAMA... - İrəvanı sülhə maneə olmada ittiham etdi

Siyasət
 13-01-2023, 01:35     198

“Rusiyanın Ermənistanla Azərbaycan arasında sülh müqaviləsi danışıqları üçün platforma təqdim etmək təklifi qüvvədə qalır”.

Bu barədə Rusiya Xarici İşlər Nazirliyinin (XİN) rəsmi nümayəndəsi Mariya Zaxarovanın bu gün yayılan şərhində deyilir.
Onun sözlərinə görə, eyni məsələ ilə bağlı rəsmi İrəvanın bəyanatları ciddi şəkildə fərqləndiyi üçün Ermənistan tərəfinin mövqeyini qiymətləndirmək çətindir.
“Sözügedən mətbuat konfransı zamanı Ermənistanın baş naziri Rusiyanın təklifləri əsasında sənədi imzalamaq niyyətindən, eyni zamanda Qərbin təşviq etdiyi məsələnin müəyyən “kompleks həllinə” üstünlük verilməsindən danışıb”, - deyə M. Zaxarova bildirib.
O xatırladıb ki, tərəflərin sülh müqaviləsini imzalayarkən əsas götürməyə razılaşdıqları Alma-Ata Bəyannaməsi Sovet İttifaqı respublikaları arasında mövcud olan sərhədlərin toxunulmazlığını təsdiqləyir.
“Həmin vaxt Dağlıq Qarabağ Muxtar Vilayəti Azərbaycan SSR-in tərkibində idi. Təbii ki, Bakı ilə İrəvan arasında sülh prosesində bu halı gözardı etmək çox çətindir. 
Onu da xatırlatmaq istərdik ki, 2022-ci il dekabrın 23-də Moskvada Azərbaycan və Ermənistan xarici işlər nazirlərinin sülh müqaviləsi üzrə görüşü keçirilməli idi. Hər iki ölkənin liderləri buna razılıq veriblər. Görüşün keçirilməsi üçün hər şey hazırlanmışdı. Amma məhz Ermənistan rəhbərliyi ölkəsinin xarici işlər naziri Ararat Mirzoyanın səfərini son anda ləğv etdi. Bu, təkcə sülh müqaviləsinin deyil, həm də Ermənistan-Azərbaycan münasibətlərinin normallaşması ilə bağlı digər aktual məsələlərin, o cümlədən Laçın yolu ətrafında vəziyyətin müzakirəsinə mane oldu”, - deyə Rusiya XİN nümayəndəsi bildirib.
O, erməni tərəfini reallığa qayıtmağa çağırıb: “Əgər erməni tərəfdaşlar Üçtərəfli Bəyanatın hərtərəfli şəkildə, ən yüksək səviyyədə həyata keçirilməsinə uyğun olaraq müəyyən edilmiş problemlərin həllində, həqiqətən, maraqlıdırlarsa, o zaman sxolastika ilə məşğul olmaq əvəzinə, əməkdaşlığa davam etməlidirlər. Rusiyanın Ermənistan-Azərbaycan sülh müqaviləsi danışıqları üçün platforma təmin etmək təklifi qüvvədə qalır”.
Bakı ilə İrəvan arasındakı münasibətlərdə son həftələrdə qeydə alınan gərginlik bizi sözsüz ki, narahat edir. Qarşılıqlı ittiham ritorikasının fəallaşması regionda gərginliyin artması ilə müşahidə olunur. Azərbaycan və Ermənistanı xoşməramlı iradə nümayiş etdirməyə və kompromisləri birgə axtarmağa çağırırıq. Biz buna hərtərəfli köməyi göstərəcəyik”, deyə Rusiya XİN sözçüsü vurğulayıb.
Zaxarova Paşinyanın mətbuat konfransında verdiyi Rusiya qoşunlarının mövcudluğu Ermənistanın təhlükəsizliyinə təhdid yaradır bəyanatını da absurd hesab edib.
“Onilliklərdir ki, bizim hərbçilərimiz, sərhədçilərimiz Ermənistanın təhlükəsizliyinə əhəmiyyətli töhfə verir, onun sərhədlərini qoruyur. Bu obyektiv reallığı inkar etmək mümkün deyil”, - Rusiya XİN sözçüsü vurğulayıb.скачать dle 12.1