Arxiv

Oxunub:202 / 23 fev 12:05medeniyyet

Qalmaqallı oyunun hakimi cəzalandırılacaq - YENİLƏNİB



Qalmaqallı oyunun hakimi cəzalandırılacaq - YENİLƏNİB

Futbol üzrə Türkiyə çempionatının 22-ci turunda “Qalatasaray” və “Trabzonspor” klubları arasındakı qalmaqallı oyunla bağlı mübahisələr davam edir.

APA-nın məlumatına görə, fevralın 22-də Türkiyə Futbol Federasiyasının binasında Mərkəzi Hakimlər Komitəsinin toplantısı keçirilib.

Toplantıda qarşılaşmanın hakimi Dəniz Atəş Bitnelin oyunu idarə etmə səviyyəsi dəyərləndirilib. Toplantıdan sonra Mərkəzi Hakimlər Komitəsinin rəhbəri Kuddusi Müftüoğlu mətbuat konfransı keçirib. O, bildirib ki, Dəniz Atəş Bitnel Türkiyənin ən yüksək potensiallı hakimlərindən biridir və prinsipial qarşılaşmanın ona tapşırılmasında heç bir problem yoxdur.

Bununla belə, Kuddusi Müftüoğlu qeyd edib ki, Dəniz Atəş Bitnelin bazar günü idarə etdiyi qarşılaşma hamını təəssüfləndirib: ““Trabzonspor” camiəsinin üzüntüsünü paylaşırıq. Uğurlu hakimləri mükafatlandırdığımız kimi uğursuz hakimlərlə bağlı gərəkli sanksiyaları da tətbiq edəcəyik”.

O ki qaldı “Trabzonspor”un futbolçusu Salih Dursunun qarşılaşmanın hakiminin əlindən yerə düşən qırmızı vərəqəni onun özünə göstərməsində, Kuddusi Müftüoğlu deyib ki, həmin futbolçunun qəhrəman kimi təqdim olunması doğru deyil: “Görüntü xoş deyil. Bu məsələdə İntizam Komitəsi gərəkli cəzaları verir. Salihin qəhrəman olduğunu düşünmürəm”.

Mərkəzi Hakimlər Komitəsinin rəhbəri mərc oyunlarında iki və daha çox qırmızı vərəqəyə əmsalların yüksək olduğu ilə bağlı iddialara da münasibət bildirib və bunu iddia edənlərdən sübut tələb edib.

Xatırldaq ki, bazar günü keçirilən qarşılaşmada “Qalatasaray” “Trabzonspor”a 2:1 hesabı ilə qalib gəlib. Oyunun hakimi Dəniz Atəş Bitnel qapıların hər birinə 1 penalti təyin edib, “Trabzonspor”un dörd futbolçusuna qırmızı vərəqə göstərib. Nəticədə Trabzon klubu qarşılaşmanı 7 futbolçu ilə bitirməli olub.

***

Türkiyə Mərkəzi Hakimlər Komitəsi sədri Kuddusi Müftüoğlu dünən baş tutan qalmaqallı “Qalatasaray”-“Trabzonspor” oyunundan sonra mətbuat konfransı keçirib.

APA-nın “Habertürk”-ə istinadən verdiyi xəbərə görə, o, qarşılaşmanın hakimi Dəniz Ateş Bitnelin oyunu pis idarə etdiyini bildirərək “Trabzonspor” komandasını zərərkəçmiş tərəf kimi qiymətləndirib.

“Hakim dünən yanlışlıqlar edib, bu istiqamətdə ona qarşı sanksiyalar tətbiq edəcəyik. Bundan sonra hakimlərimiz bütün qarşılaşmaları obyektiv idarə edəcəklər”, deyə K.Müftüoğlu bildirib.

“Trabzonspor” klubunun futbolçusu Salih Dursunun hakimə “qırmızı kart” göstərməsinə münasibət bildirən Kuddusi Müftüoğlu onun bu hərəkətinin təqdirəlayiq hal olmadığını bildirib: “Görüntü xoş deyil, aidiyyati qrumlar bu istiqamətdə lazımi cəzanı verəcəklər. Salih Dursunun dünənki hərəkəti ilə bağlı qəhrəman olmasını doğru hesab etmirik.”

Qeyd edək ki, “Qalatasaray”ın 2:1 hesabı ilə qalib gəldiyi qarşılaşmada hakim D.Bitnel “Trabzonspor”un 4 futbolçusuna qırmızı vərəqə göstərib.