“Azərbaycan Laçın dəhlizini bağlamağa hazırlaşır” – Separatçılar qorxuya düşüb
Qarabağdakı separatçı cinayətkar qruplaşmanın rəhbərlərindən biri olan David Babayan yeni iddialarla çıxış edib.
O, erməni mediasına bildirib ki, Azərbaycan Laçın dəhlizini sərhəddən bağlamağa, Qarabağa hücum etməyə hazırlaşır. Separatçı daha da irəli gedərək Rusiya sülhməramlılarına da hücum olacağını iddia edib.
“Əgər Azərbaycan Laçın dəhlizini bağlasa və ya “artsax”a avtomobillərin giriş-çıxışını əngəlləməyə cəhd etsə, bunun çox ciddi nəticələri, o cümlədən geosiyasi nəticələri olacaq. Buna yol vermək olmaz”, - Babayan deyib./“AzPolitika.info”
